முற்றிலும் பெண் ஊழியர்களால் உலகை சுற்றிய விமானம்
புதுடில்லி, மார்ச் 5 சர்வதேச பெண்கள் தினம், வருகிற 8-ஆம்தேதி கொண்டாடப்படுகிறது. இதையொட்டி, ஏர் இந்தியா நிறுவனம், உலக சாதனைக்காக முற்றிலும் பெண் ஊழியர்களை கொண்டு ஒரு சாதனைக்கு திட்டமிட்டது. அதுதான், விமானத்தில் உலகை சுற்றி வரும் திட்டம்.
அதன்படி, கடந்த 27ஆம் தேதி, டில்லியில் இருந்து போ யிங் ரக ஏர் இந்தியா விமானம், அமெரிக்காவின் சான் பிரான் சிஸ்கோ நகருக்கு புறப்பட்டது. செல்லும்போது, பசிபிக் நாடுகள் வழியாக சென்ற விமானம், திரும்பி வரும்போது, அட்லாண்டிக் நாடுகள் வழியாக உலகை சுற்றி வந்து டெல்லி வந்தடைந்தது.
இந்த விமானத்தில், விமானிகள், சிப்பந்திகள் அனைவரும் பெண்கள் ஆவர். பயணிகளின் பொருட்களை பரிசோதித்த வர்கள், ஓடுபாதை பணியாளர்கள், விமானம் பரிசோதித்து பறக்க அனுமதித்த என்ஜினீயர்கள், விமானம் தரை இறங்க அனுமதி அளித்த விமான கட்டுப்பாட்டு கோபுர ஊழியர்கள் ஆகிய அனைவருமே பெண்களாக இருந்தனர்.
இது, புதிய உலக சாதனை ஆகும். இதை அங்கீகரிப்பதற்காக, கின்னஸ் நிறுவனத்திடமும், லிம்கா சாதனை புத்தக நிறுவனத் திடமும் ஏர் இந்தியா விண்ணப்பித்துள்ளது
-விடுதலை,5.3.17
கருத்துகள் இல்லை:
கருத்துரையிடுக