சமத்துவம் மலரப் போராடிய அமெரிக்கப் பெண்கள்

 

Published March 23, 2024,விடுதலைஞாயிறு மலர்

அமெரிக்கா என்ற ஒரு நாடே ஒரு காலத்தில் இல்லை. இங்கிலாந்து போன்ற அய்ரோப்பிய நாடுகளிலிருந்து புலம் பெயர்ந்து குடியேறியவர்கள் உருவாக்கிக் கொண்ட நாடு அது. எப்படி முழு நாடும் உருவாயிற்று? வெள்ளையர்கள் உடல் உழைப்பில் வல்லவர்கள் அல்ல. எனவே, கட்டடங்கள் கட்டவும், சாலைகள் உருவாக்கவும் லட்சக்கணக்கான கருப்பு நிற உழைப்பாளிகளை ஆப்பிரிக்க வனப் பகுதிகளிலிருந்து வரவழைத்தார்கள். அவர்கள் வியர்வை சிந்தி முழு நாட்டையே உருவாக்கினார்கள். பல நூறு ஆண்டுகளுக்குப் பின் – “உங்கள் வேலை முடிந்துவிட்டது கருப்பு நாய்களே! உங்கள் நாட்டிற்குத் திரும்பிச் செல்லுங்கள்” என்று உத்தரவிட்டார்கள் வெள்ளைத் தோல் அமெரிக்கர்கள். வெகுண்டு எழுந்த ஆப்பிரிக்க மக்கள் – “அடேய்! இது உன் நாடு மட்டுமல்ல. எங்கள் நாடும் இதுதான். நாங்கள் ஏன் திரும்பிச் செல்ல வேண்டும்?” என்று முழக்கமிட்டார்கள்.

“எங்கள் மூதாதையர் ஆப்பிரிக்கக் காடுகளிலிருந்து வந்தது உண்மை. ஆனால், என் பெற்றோரும் இங்கே பிறந்தவர்கள். அவர்களுடைய பெற்றோரும் இங்கே பிறந்தவர்கள். நாங்களும் இங்கே பிறந்தோம். எங்களைப் போகச் சொல்ல நீங்கள் யார்?” என்று கொதித்தெழுந்துக் கேட்டார்கள். போராட்டம் வெடித்தது.
நாளடைவில் – “இருந்துத் தொலையுங்கள்! ஆனால், எங்களோடு ஒட்டி உறவாடக் கூடாது. எல்லா இடங்களிலும் எங்களை விட்டு விலகியே இருங்கள்!” என்றார்கள்.

சமூக அநீதியும் கொடுமைகளும்
கருப்பர் இனப் பிள்ளைகளுக்கு தனியாகப் பள்ளிகள்; உணவகங்களில் தனி இடங்கள்; பேருந்துகளில் பின்புறம் மட்டுமே ஒரு ஓரத்தில் உட்கார அனுமதி; அஞ்சல் நிலையங்களில் தூரத்தில் உட்கார அனுமதி; அஞ்சல் நிலையங்களில் தூரத்தில் நின்றபடி அஞ்சல் தலைகள் வாங்கும் நிலை; இப்படி நாடு முழுவதும் கருப்பு நிற அமெரிக்கர்கள் ஒதுக்கப்பட்டு அவமானப்படுத்தப்பட்டனர். தென் அமெரிக்காவில் கொடுமைகள் மிக அதிகமாக இருந்தன. மறுபடியும் பல போராட்டங்கள் நடந்தன – சமூக நீதிக்காவும் சமத்துவத்திற்காகவும். நிற வெறிக்கு எதிராக பல இயக்கங்கள் போராட ஆரம்பித்தன. சமூக உரிமைகள் இயக்கம் (Civil Rights Movement) உலகப் புகழ் பெற்ற, வரலாற்று சிறப்புடைய இயக்கமாக இன்றும் போற்றப்படுகிறது. ஆப்பிரகாம் லிங்கன் பற்ற வைத்த நெருப்பு மார்டின் லூதர்கிங் ஜூனியர் வரை கொழுந்துவிட்டு எரிந்தது. காலப்போக்கில் சில மாற்றங்கள் ஏற்படவும் செய்தன. இருந்தாலும் நிறவெறி இருள் அகலவில்லை.

பேருந்துகளில் நிகழ்ந்த கொடுமை
வெள்ளை அமெரிக்கர்கள் மட்டுமே பேருந்துகளில் முன்புறம் ஏறி நல்ல இருக்கையில் அமர அனுமதிக்கப்பட்டனர். கருப்பு நிற அமெரிக்கர்களுக்கு பேருந்தின் பின்புறம் மோசமான ஓரிரு இருக்கைகள் மட்டுமே ஒதுக்கப்பட்டிருந்தன. கருப்பு நிற குடிமக்கள் “காக்கை”கள் என்று கேலி செய்யப்பட்டனர். வீதி நாடகம் போன்ற கலை நிகழ்ச்சிகளில் ஒரு வெள்ளைத் தோல் கலைஞர் முகத்தில் கருப்பு சாயம் பூசிக்கொண்டு உயரத்திலிருந்து குதித்து தற்கொலை செய்துகொள்வது போல் நடிப்பது வழக்கமாம். அந்த நடிகரின் பெயர் ஒரு நிகழ்ச்சியில் Jimஎன்று இருந்துள்ளது. பார்வையாளர்கள் – “Jim Crow”  குதி! குதி!” என்று உற்சாகமாகக் குரலெழுப்புவார்களாம். நாளடைவில் Jim Crow – JC  என்று சுருங்கி JC Bus Law என்று மாறியது.

பேருந்துகளில் காட்டப்பட்ட பாரபட்சத்தை எதிர்த்து முதலில் போராடிய கருப்பர் இனப் பெண் (Irene Morgan)  அய்ரீன் மார்கன் என்பவர். இது நடந்தத 1946இல். அதன் பிறகு அதே போன்ற ஒரு பேருந்து எதிர்ப்புப் போராட்டத்தை நடத்திய கருப்பர் இனப் பெண் ரோஸா பார்க்ஸ்  (Rosa Parks). 1955 டிசம்பர் 1ஆம் நாளன்று அவர் துவக்கிய போராட்டம் அமெரிக்காவையே உலுக்கி எடுத்தது வரலாறாகும்!
அலுவலகப் பணி முடிந்த வீடு திரும்ப ஒரு பேருந்தில் ஏறிய ரோஸா பார்க்ஸ் வெள்ளையர்களுக்காக இருந்த இருக்கை ஒன்றில் களைப்புடன் அமர்ந்து விட்டார். பேருந்தில் ஏறிய ஓட்டுநர் – “போர்டைப் பார்க்கலையா? இறங்குடீ!” என்று உறுமியுள்ளார். “முடியாது போடா!” என்றார் ரோஸா. “பின்னால் போய் உக்காரு!” என்று ஓட்டுநர் மிரட்டியுள்ளார். அதற்கும் மசியவில்லை ரோஸா. “எல்லோரும் சமம்!” என்று பதிலடி கொடுத்தார். அவ்வளவுதான்! போராட்டம் வெடித்தது.
“இனி பேருந்துகளில் பயணம் செய்ய மாட்டோம்!” என்று முடிவு செய்த கருப்பு அமெரிக்கர்கள் சாலை மறியல் போராட்டங்களிலும் இறங்கினர். 1955 டிசம்பரில் துவங்கிய “பேருந்து எதிர்ப்புப் போராட்டம் தொடர்ந்து 381 நாட்கள் நடந்து 1956ஆம் ஆண்டு இறுதியில் முடிவடைந்தது. ரோஸா பார்க்ஸ் கைது செய்யப்பட்டு சிறைவாசம் அனுபவிக்க நேர்ந்தது. பேருந்துப் பயணப் பாரபட்சமும் முடிவுக்கு வந்தது.

மார்டின் லூதர் கிங் ஜூனியர்
சமூக நீதிக்காகப் போராடிய உலகப் புகழ்பெற்ற கருப்பர் இனத் தலைவர் மார்டின் லூதர் கிங். இவருடைய “I have a dream”(எனக்கு ஒரு கனவு உள்ளது) என்ற உரை உலக வரலாற்றில ஒரு மகத்தான அத்தியாயமாகும். நிறவெறி, பிறப்பு சார்ந்த பாகுபாடுகள், இனவெறி இவற்றையெல்லாம் எதிர்த்துப் போராடிய மார்டின் லூதர் கிங் 1968 ஏப்ரல் 4ஆம் நாளன்று சுட்டுக் கொல்லப்பட்டார். அப்போது அவருடைய வயது 39. அவருடைய இறுதி ஊர்வலத்தில் ஏறத்தாழ மூன்று லட்சம் அமெரிக்கர்கள் கலந்து கொண்டார்கள்.
கருப்பு நிற மக்களை நீக்ரோக்கள் என்று அழைத்த காலம் மறைந்தது. ஆப்பிரிக்க அமெரிக்கர்கள் என்று பின்னர் அழைத்தனர். இன்று அமெரிக்கர்கள் என்றே அழைக்கப்படுகிறார்கள். திரை உலகிலும், இலக்கிய உலகிலும், நூற்றுக்கணக்கான உயர் பதவிகளிலும் இன்று அவர்கள் உச்சத்தில் உள்ளார்கள். போராளிகள் புதைக்கப்படுவதில்லை – விதைக்கப்படுகிறார்கள் என்று சொல்லப்படுவது உண்மைதான்.

ஆணைவிட பெண்ணே சிறந்தவள் அறிவியல் ஆதாரங்கள் இதோ:

 

சிந்தனை : ஆணைவிட பெண்ணே சிறந்தவள் அறிவியல் ஆதாரங்கள் இதோ:

ஜனவரி 01-15 2020

உண்மை இதழ்

“Inferior” என்னும் புத்தகத்தின் ஆசிரியர், அஞ்சலினா சயினி  (Angelina Saini). ‘இவர் எழுதிய கட்டுரைகள்“Guardian”, “New Scientist”, “Wired”, “The Economist”, “Science” போன்ற புகழ் பெற்ற மாத இதழ்களில் இடம் பெற்றுள்ளன.

இவர் 2015ஆம் ஆண்டுக்கான ‘American Association for the Advancement of Science Kavli Science Journalism gold award’ பெற்றுள்ளார். இந்த நூலில் இவர் பெண்களின் பாதிப்புகளையும் இயற்கையாய் பெண்களுக்கான சிறப்புகளையும் எடுத்துக் கூறியுள்ளார்.

இந்தியாவில் பொதுமக்கள் ஆண் குழந்தைகள் பெறவேண்டும் என்பதையும், பெண் குழந்தைகள் எனில் கருவிலே கலைப்பு செய்வதையும், பெண்களுக்கு படிப்புரிமை மறுக்கப்படுவதையும் புள்ளி விவரங்களுடன் விளக்கமாக எழுதியுள்ளார். 2007இல் ஒரிசாவில் ஒரு கிணற்றை பெண்குழந்தைகளின் சடலங்களை இடும் புதைகுழியாக மக்கள் உபயோகப்படுத்தியதையும், 2013இல் மத்தியப் பிரதேசத்தில் உயிரோடு பெண் குழந்தைகளைப் புதைத்த கொடூரத்தையும், 2014இல் போபாலில் பெண் குழந்தைகளை குப்பையில் எறிந்ததையும், ஆகிய கருணையற்ற நடவடிக்கைகளைப் பற்றி துயரத்துடன் வெளிப்படுத்தியுள்ளார்.

1994இல் இந்திய அரசாங்கம் ஒலிக்கருவி மூலம் குழந்தைகள் ஆணா_பெண்ணா என்று கண்டறிவதைத் தடுக்க சட்டம் போட்டாலும், காசுக்காக சில மருத்துவமனைகள் சட்டத்தை மீறுகின்றன. 2011இல் இந்தியாவின் பிறப்பு விகித கணக்கெடுப்பில் ஆண் குழந்தைகள் அதிக விகிதம், பெண்குழந்தைகள் 11 மில்லியன் குறைவு என்று தெரியவருகிறது.

ராணி விக்டோரியா காலத்தில் பெண்களை அழகுப் பொம்மைகளாகவும், வீட்டைக் கவனித்துக் கொள்ளும் வேலைக்காரிகளாகவும், குழந்தை பெறும் கருவிகளாகவும்தான் பார்த்தார்கள். அவர்கள் வாழ்ந்த காலம் அப்படி.

பிரித்தானிய அறிஞர்கள் வால்டர் ஹீப்  (Biologist-Walter Heape, Scotland Naturalist), ஆல்பட் உல்ஃப் (Texas Sociologist Albert Wolfe) ஆகியோர் பெண்கள் ஆண்களுக்கு சரிசமம் என்று வாதித்தாலும், பெண்கள் உடல் நிலை வீட்டு வேலை செய்யத்தான் பொருந்தும் என்றார்கள்.

பிரித்தானிய விஞ்ஞானியான பிரவ்ன்_செகார்டு (Brown-Sequard)- என்பவர்  பெண் guinea pig ovary (கருமுட்டை பை) யிலிருந்து திரவம் எடுத்து ஈஸ்ட்ரோஜன், புரோஜெஸ்டிரோன் (estrogen, Progesterone) என்கிற ஹார்மோன் (hormone) களைக் கண்டுபிடித்தார். கரு தரித்தவுடன் ஆறு வாரங்கள் வரை எல்லா சிசுக்களும் பெண்களாகத்தான் இருக்கின்றன. ஏழாவது வாரம் சிசு பையனாக இருந்தால் ஆண் திரவம் testosterone சுரக்க ஆரம்பிக்கும் என்று அறிவிக்கிறார் – ஆங்கிலேய நாளமில்லாச் சுரப்பு மருத்துவர் ரிச்சர்டு க்யுண்டன் (endocrinologist Richard Quinton).

கலாச்சார மானுடவியலாளர் மார்க்கரெட் மீடு (Cultural anthropologist – Margret Mead) என்பவர், ஆண் பெண் வெளிப்பாடு செய்கைகள் எல்லாம் அவர்கள் வளரும் சூழ்நிலையைப் பொறுத்துதான் இருக்கிறது என்றார். உதாரணமாக, நியூகினியாவில் (New Guinea) பெண்கள் ஆண்கள் போல் செயலாற்றுகிறார்கள். இதேபோல் பிலிப்பைன்சில் (Philippines) உள்ள ஒரு பழங்குடியினர் சமூகத்தில்  (tribe) பெண்கள் வேட்டையாடுவதில் திறமையாக உள்ளனர். 2008, 2015ஆம் ஆண்டுகளில் நாளமில்லாச் சுரப்பு மருத்துவர் ரிச்சர்டு க்யுண்டன்  (Endocrinologist Richard Quinton), நரம்பியல் மருத்துவர் ஜான் கோட்ஸ் (Neuroscientist Jhon Coates) ஆகியோர், ஆண் திரவம் tமீstஷீstமீக்ஷீஷீஸீமீ அளவை வைத்து முரட்டுத்தனம், அதிக துணிச்சல் என்பவற்றை ஆராய்ந்ததில் ஒரு தெளிவான முடிவு செய்ய முடியவில்லை என்றனர்.

ஜாய் லான் (Joy Lawn) என்னும் பிரித்தானிய விஞ்ஞானி  (Director of Maternal, Adolescent Reproductive and Child health at London School of Hypiene and Tropical medicine) சொல்லுகிறார் _ பெண் குழந்தைகளுக்கு ஆண் குழந்தைகளை விட ஆரோக்கியமும், நோய் எதிர்ப்புச் சக்தியும் அதிகமாக உள்ளது என்று. இது எப்படி என்றால், பெண்களுக்கு மரபணுக்கள்  (chromosomes) 46 என முழுமையான அளவுடன் உள்ளன. ஆனால், ஆண்களுக்கு sex chromosomeஇல் ஒரு பகுதி இயற்கையால் துண்டிக்கப்பட்டு விடுகிறது. இந்தக் குறைவினால் ஆண்குழந்தைகள் வளரும் போது எளிதாக நோய்க்கு ஆளாகிறார்கள். இவர்களுக்கு நிறக்குருடு  (color blindness), இரத்த ஒழுக்கு (hemophilia) போன்ற மரபணு சார்ந்த நோய்கள் வர ஏதுவாக உள்ளது. பல மருந்து தயாரிக்கும் நிறுவனங்கள் ஆண்களை மட்டும் சோதனைகளில் (clinical studies) சேர்த்திருந்தார்கள். பெண்களைச் சேர்த்துக் கொள்ளத் தயங்கினார்கள். பெண்களுக்கு மருந்தினால் நேரும் விளைவுகளைப்பற்றி கவலைப்படாமல் இருந்ததுதான் காரணம். தற்பொழுது பெண்களைச் சேர்த்துக் கொள்கிறார்கள் _ பல போராட்டங்களுக்குப் பிறகு.

1888 முதல் பெண்கள் – ஆண்கள் மூளை பற்றி ஆராய்ச்சிகள் நடந்து கொண்டிருக்கின்றன. “மூளை எடை அவரவர் உடல் எடையைப் பொறுத்து உள்ளது; அவர்களுடைய அறிவாற்றலைப் பொறுத்தது அல்ல’’ என்று முடிவாகி உள்ளது. 1982இல் டாக்டர். குர் (Dr. Gur, professor of psychology from university of Pennsylvania) சில வித்தியாசங்களைக் கண்டுபிடித்தார். பெண்களுக்கு நிறைய பழுப்பு நிற மூளை(grey matter), ஆண்களுக்கு நிறைய வெள்ளை நிற மூளை  (white matter) உண்டு என அறிவித்தார். பெண்கள் – பேச்சுத் திறமையும், தீர்மானங்கள் எடுப்பதில் ஆண்களைவிட சிறந்தவர்கள் என்றும், ஆண்கள் இடங்கள், தடங்கள் கண்டுபிடிப்பதில் சிறந்தவர்கள் என்றும், பெண்கள் ஒரே சமயத்தில் பல காரியங்கள் செய்வதில் வல்லவர்கள்; ஆண்கள் ஒரே காரியத்தில் மட்டும் குறியாக வேலை செய்வார்கள் என்றும் அறிவித்தார். ஆகவே, பெண்களும் ஆண்களும் ஒத்து வாழ்ந்தால், அவர்களுக்கும் சமுதாயத்திற்கும் நல்லது என்கிற கண்டுபிடிப்பை வழங்கினார்.

மூளையின் நெகிழ்ந்து கொடுக்கும் தன்மை (plasticity) பற்றி நிறைய சோதனைகள் நடை பெற்றன. முடிவு என்னவென்றால், ஒவ்வொரு மனிதரின் மூளையும் தனித்தனி திறமை (unique) கொண்டது. புதுப்புது திறமைகளைக் கற்றுக்கொள்ளும் ஆற்றல் கொண்டது என்பதை பரிசோதனைகள் செய்து உலகிற்கு அறிவித்தனர். ஆகவே, யார் வேண்டுமானாலும், சந்தர்ப்பமும் சூழ்நிலையும் கிடைத்தால் திறமைசாலியாக முடியும்.

 

பெண்கள், வீட்டில் வேலை செய்யத்தான் பிறந்தவர்கள் என்கிற காலம் போய், நோபல் பரிசு வாங்கத் தகுதியானவர்கள் என்று நிரூபிக்க, மேரி க்யூரி, ரோசலின் சுஸ்மேன் யாலோ (Rosalyn Sussman Yalow-1977) (Physiology & Medicine) மற்றும் உலகப்புகழ் மிருக ஆய்வாளர் ஜேன் குடால்  (Jane Goodall), பல பெண் விண்வெளி ஆய்வாளர்கள்  (astronomers) என பெண் அறிஞர்கள் பெருகி வளர்ந்துகொண்டே இருக்கிறார்கள். பெண்ணியலாளர் (Feminist) என்றால் என்ன? என்பதற்கு விளக்கம், ஆண்களுக்கும் பெண்களுக்கும் சம உரிமை கொடுக்க வேண்டும் என்கிற சிந்தனை உடையவர்தான்.

சான்டியாகோ விலங்குக் காப்பகத்தில்  (San Diego Zoo) வளரும் போனோபோ  (Bonobo) குரங்குகளில் பெண் குரங்குகள் ஆண் குரங்குகளை ஆதிக்கம் செலுத்துகின்றன. குழந்தைக் குரங்குகளையும் நன்றாகப் பார்த்துக் கொள்கின்றன.

லண்டன் இம்பீரியல் கல்லூரிப் பேராசிரியர் பால் மேத்யூ அவர்களின்  (Professor Paul Mathew, Imperial college of London)  கண்டுபிடிப்பு என்னவென்றால், ஒரு பாலின ஆண்கள் (Homosexual) மூளை பெண்கள் மூளைத் திறனோடு ஒத்து இருக்கிறது என்பது. ‘Amygdala’ என்னும் மூளையின் மன உணர்ச்சிப் பாகத்தில் பெண்களுக்கும் ஆண்களுக்கும் நிறைய மாற்றங்கள் இல்லை என சில விஞ்ஞானிகள் அறிவித்துள்ளனர்.

ஒரு சமூகத்தில் குழந்தைகள் ஆரோக்கியமாக வளர தாய்மட்டும் இருந்தால் போதாது. தாய்க்கு உதவியாக தந்தை , பாட்டன், பாட்டி மற்ற உறவினர்கள் தேவைப்படுகிறார்கள். தனிமையாகக் குழந்தை வளர்க்கும் தாய்மார்களுக்கு குழந்தைகளிடம் அன்பு குறைவாகக் காணப்படுகிறது.

அமேசான் காடுகளில் ஒரு பெண் பல ஆண்களுடன் உறவு வைத்து கொள்ளுகிறார். பிறக்கும் குழந்தையை எல்லா ஆண்களும் பராமரித்துக் கொள்கிறார்கள். இவர்கள் சூழ்நிலையில் குழந்தைகள் பாதுகாப்பாக வளர ஏதுவாக இருக்கிறது.

ஆப்பிரிக்காவில் பழங்குடி ஆண்கள் பெண்கள் சரிசமமாக வேட்டையாடுவதிலும், காடுகளில் உணவு சேகரிப்பதிலும் ஒத்துழைக்கிறார்கள். பெண்கள் சிறு வேட்டைகளுக்குத் தேவையான ஆயுதங்களைக் கண்டுபிடிப்பவர்களாக இருந்திருக்கின்றனர். அட்ரின்னே ஸின்மேன் (Adrienne Zihnman) என்னும் ஆராய்ச்சியாளர் வலிமை மிக்க பெண்கள் உலகெங்கும் பரந்திருப்பதை எடுத்துக்காட்டுகளுடன் விளக்கியுள்ளார். புரூக் செக்கல்ஸ் (Brook Seclze) என்னும் மனித நல ஆராய்ச்சியாளர், வடநமீபிய நாடோடி பழங்குடியினர் சமூகத்தில்  (North Namibia nomadic tribe) பெண்களுக்கு அதிக சுதந்திரம், (sexual freedom) உண்டு. அதுவே அவர்கள் பண்பாடு என்கிறார்.

கடைசியாக இன்னொரு ஆப்பிரிக்க கொடூரமான கலாச்சாரம் பல நூற்றாண்டுகளாக நடந்து கொண்டு வருகிறது. இதில் வயதான பெண்களும் துணை போகிறார்கள். ஹிபோ வார்டெர் (Hibo Wardere), 46 வயது உள்ள ஆப்பிரிக்க பெண்போராளி. இவருக்கு ஏற்பட்ட கொடுமையை இங்கிலாந்தில் அடைக்கலம் புகுந்தவுடன் உலகறிய வெளியிட்டார். அதுதான் பெண் பிறப்பு உறுப்பு அறுவை (girls genital mutilation). இந்தக் கொடூரம் எதற்கு என்றால், பெண்களின் கன்னித்தன்மையை காப்பாற்று வதற்காகவும் ஆண்களுக்கு பெண்களின் கற்பில் நம்பிக்கை வருவதற்கும்தானாம். இந்த வழக்கத்தை, கடும் எதிர்ப்பு, கொலை மிரட்டல், எல்லாவற்றையும் கண்டு கொள்ளாமல் வீரத்துடன் எதிர்த்துப் போராடிக் கொண்டே இருக்கிறார். இந்தப் போராட்டத்தால் ஆப்பிரிக்க பெண்களுக்கு விழிப்புணர்வு வந்து இந்தக் கொடூரத்திலிருந்து விடுபட ஆரம்பித்துவிட்டனர்.

 

வெள்ளை நிற மூளை                                             பழுப்பு நிற மூளை

இந்தியாவில் உள்ள “சதி வழக்கம்’’ ஆங்கிலேயர் வரவால் ஆட்டம் கண்டது. “சதி’’ வழக்கத்தை ஒழிக்க சட்டமும் போட்டது. ஆனாலும் சில நிகழ்ச்சிகள் அவ்வப்போது நடந்தவாறு இருக்கின்றன. இந்தியாவிலும், மற்றும் உலகெங்கிலும் பெண்களைத் துன்புறுத்த ஒரு கூட்டம் முயன்று கொண்டுதான் இருக்கிறது. பெண்கள்தான் பெண்களுக்காகப் போராட வேண்டியிருக்கிறது. அதுதான் இயற்கை நியதி போலும்.

இந்தப் புத்தக ஆசிரியர் அஞ்சலினா தன்னை மிகவும் சிறந்த வாழ்வைப் பெற்றவராக மகிழ்வுடன் தெரிவிக்கிறார். ஏனென்றால், இவர்தம் பெற்றோர், இணையர், மாமியார், 6 வயது மகன் அனைவரும் இவருடைய அறிவாற்றலையும், புத்தகம் எழுதும் திறமையும் மதிக்கின்றனர், ஆதரவும் தருகின்றனர். அவர்களுடைய உறுதுணைக்கு நன்றியுடன் பெருமையுடனும் அன்போடு நினைவு கூர்கிறார். இப்படிப்பட்ட குடும்பம் ஒவ்வொரு பெண்ணுக்கும் அமைந்தால் உலகில் அன்பும் அமைதியும் நிலவும் என்பதில் அய்யமே இல்லை!

ஆணும் பெண்ணும் சமம். வளரும் சூழ்நிலை மற்றவற்றைத் தீர்மானிக்கின்றது என்பதுதான் அனைவரும் ஏற்றுக் கொள்ள வேண்டிய கருத்து.

இந்து மதக் கொடுமையும் விதவைகளின் துயரமும்

 டிசம்பர் 1-15, 2023

உண்மை Unmai

ஒரு பெண்ணின் கோரிக்கையும் தீர்வும்

அன்பார்ந்த சகோதரி, சகோதரர்களே!
இவ்விருபதாம் நூற்றாண்டில் பிற நாடுகளும், பிற சமூகங்களும் முற்போக்கடைந்து வருவதைப் பார்த்து நாமும், நம் நாடும் முன்னேற்றமடைய வேண்டுமென்ற ஆர்வத்தினால் அதற்கெனப் பல கழகங்களைக் கண்டு பற்பல துறையிலீடுபட்டுத் தொண்டாற்றி வரும்பொழுது, நம் சமூக முன்னேற்றத்திற்குத் தடைகளாயுள்ளவற்றுள் விதவா விவாக மறுப்பு முதன்மையானதென்பதை விதவைகளான நம் சகோதரிகள் படும்துயரை நாள்தோறும் கண்கூடாய்ப் பார்த்துவரும் நாம் மறுக்க முடியாது. அவர்களுக்கு நம் மதத்தின் பெயரால் நாம் இழைக்கும் அநீதியையும் அளவிட முடியாது.

இந்து சமூக ஆண்கள் மட்டும் தங்கள் மனைவிகள் இறந்த பின்னரும், மனைவிகளிருக்கும் போதும் எவ்வளவு வயதானவர்களாயிருப்பினும் தத்தம் விருப்பப்படி எத்தனை கல்யாணமாயினும் செய்து கொள்ளுகிறார்கள். ஆனால் 12 மாத (ஒரு ஆண்டு) வயதுடைய பெண் தனக்குக் கல்யாணம் செய்து வைக்கப்பட்ட கணவன் ஆறு மாதத்திலோ ஒன்றிரண்டு வருடத்திலோ இறந்துவிட்டால் அப்பெண் விதவையாய் அய்ம்புலனையும் அடக்கிக் கொண்டு தன் வாழ்நாளைக் கழிக்க வேண்டுவதுடன், அற்ப இன்பமாகிய புஷ்பம், மஞ்சள், வளையல்களையும் அணிந்தால் நம் குலமும், நாமும் நிர்மூலமாய்ப் போய்விடுவொமென்று கருதுகிறோம். 12 மாத பால் மணமாறாத பச்சிளங்குழவியின் கதியே இதுவென்றால், 12 14, 16 வயதுள்ள சிறுமிகளின் கதியை விவரிக்க வேண்டுமோ! அந்தோ பாழும் இந்து சமூகமே! இக்கொடுமைகளை மிஸ்மேயோ எழுதிவிட்டதற்கு கூப்பாடு போடும் குலாபிமானிகளுக்கும் மறுப்
பெழுதும் மாணிக்கங்களுக்கும் குறைவில்லை. ஆனால், இக்குறைகளை நீக்க முன்வரும் ஆண்மையாளரைக் காண்பதற்கில்லை.

1921ஆம் ஆண்டின் அரசாங்கத்து சென்ஸஸ் கணக்குப்படி மொத்தத்தில் 2,68,34,838 (ஏறக்குறைய மூன்று கோடி) விதவைகளிருக்கின்றார்கள். அதில் 12 மாத வயதிற்குக்கீழ்ப்பட்டு 612 விதவைகளும், 1 முதல் 2 வயதில் 498 விதவைகளும், 2 முதல்

3 வயதில் 1285 விதவைகளும்

3 முதல் 4 வயதில் 2,863 விதவைகளும்

4 முதல் 5 வயதில் 6,758 விதவைகளும், 5 முதல் 10 வயதில் 85,580 விதவைகளும், 10 முதல் 15 வயதில் 233,583 விதவைகளுமிருக்கின்றார்கள். அய்ந்து வயதிற்குட்பட்டு மொத்தம் 12,016 விதவைகளும், 14 வயதிற்குட்பட்டு 3,31,193 விதவைகளுமிருக்கின்றார்கள். இக்கணக்குப்படி இந்திய நாட்டில் விவாகமான பெண்களின் தொகையில் 5 வயதிற்குட்பட்ட விதவைகள் 1000க்கு 14 ஆகவும், 10 வயதிற்குட்பட்ட
விதவைகள் 1000க்கு 111 ஆகவும், 15
வயதிற்குட்பட்ட விதவைகள் 1000க்கு 437 ஆகவுமிருக்கின்றனர் எனக் கணக்கிடப்படுகின்றது. இக்கணக்குகளைப் பார்த்து நம் பாழ் மனம் பதறுகின்ற தெனினும் வைதீக பித்தர்கள் ஸ்ரீசாரதா இணக்க வயது மசோதவை தகைக்கப் பிரயத்தனப்பட்டு வருவதுடன் பால்ய விவாகமில்லாவிடின் பெண்களின் கற்பு நிலை பெறாது” என “பார்ப்பனக் குழந்தையும் பார்ப்பனரல்லாத குழந்தையும் உடனிருந்து சாப்பிடுவதைக் கண்டால் ஒரு வாரம் பட்டினியிருப்பேன்” எனச் சொல்லிய நமது டில்லி சட்டசபை பிரதிநிதியாகிய ஸ்ரீமான், எம்.கே. ஆச்சாரியார் சட்டசபையில் விவாதிக்கின்றார். இதனினும் இழிவு வேறொன்றுன்றோ?

இவ்வநீதிகளைப் போக்கி நம் சமூகம் முன்னேற்றமடையவும், விதவைகளின் துயரகற்றவும் ஏதுவான விதவா விவாகத்தை நடப்பிக்க முன்வரும் ஒரு சிலரையே இந்நாளில் காண்கின்றோம். அவர்களின் நன்முயற்சியைத் தடைசெய்யும் வைதீகக் கோஷ்யாருக்கும். அவர்களுக்குத் துணையாகக் கொள்ளும் இந்துமத இதிகாச புராண வேத சாஸ்திரங்களுக்கும் குறைவில்லை. ஒவ்வொரு சமூகமும் அறிவு ஆராய்ச்சிகளினால் முன்னேற்றமடைந்து வரும் இந்நாளில், படித்தோம் படித்தோம் எனப் பறைச்சாற்றித் திரியும் நம் பந்துமித்திரர்கள் இவ்விஷயங்களை அலட்சியம் செய்து வாழ்நாளை வீண் நாளாக்குகின்றார்கள் என்றால் இவர்கள் படித்துதும் படிப்பாகுமா? போனது போகுக. இனியேனும் கண்களைத் துடைத்து எழுந்து நின்று, உலகம் விசாலமான தென்பதை உணர்ந்து, பகுத்தறிவைக் கொண்டு ஆராய்ந்து, தெளிந்து நம் குறைபாடுகளை யாவரும் தெளிந்து யாவருக்கும், சிறப்பாகப் பெண் மக்களுக்கும் சாங்கோபாங்கமாய் எடுத்துரைத்த விதவா விவாகத்தை நடைமுறையில் நடத்தி வருவதைக் காண முயற்சிகளை எடுத்துக் கொள்ள வேண்டியது நமது முக்கிய கடமை என்பதை இதனால் ஒவ்வொருவருக்கும் வற்புறுத்துகின்றோம்.

பன்னிரண்டு வயதில் மணம் செய்து வைக்கப்பட்டு மூன்று மாதத்தில் விதவையாகி சிறிது காலத்திற்குப்பின் சமூக அநீதியை எதிர்த்து மறுமணம் புரிந்துகொண்ட, அகமதாபாத் ராவ்பகதூர்கேசவன் புதல்வியான ஸ்ரீமதி எசஸ்வதிபாய், தனது பெற்றோர்களுக்கு எழுதிய கடிதம் நம் நாட்டு இளம் விதவைகளின் துயரையும், நம் சமூகக் கொடுமையையும் நன்கு அறிவுறுத்துகின்றமையால், “நவசக்தி”யில் வந்துள்ளபடி அக்கடிதத்தை இதன்கீழ் தருகின்றோம்:_
என்னுடைய அருமைத் தந்தை தாயார்களையும் நான் பிறந்து வளர்ந்த வீட்டையும் விட்டுச் செல்ல வேண்டியிருப்பதை எண்ணும்போது என் இதயம் பிளந்துவிடும்போல் துக்கம் உண்டாகிறது. இந்தக் கடிதத்தைக் கண்டதும் சற்றும் எதிர்பாராதிருக்கையில் இடிவிழுந்தது

போல் நீங்கள் போவீர்களென தான் அறிவேன். ஆனால், காதல் தெய்வத்துக்கு என் உள்ளத்தைப் பறி கொடுத்துவிட்டேன். நான் என்ன செய்வேன்?
உங்கள் பாதத் தாமரைகளை என் கண்ணீரால் அலம்பியபோதிலும் என்னுடைய மறுமணத்திற்கு நீங்கள் இணங்கமாட்டீர்களென எனக்கு நன்றாய்த் தெரியும் ஆதலின், இதனால் எனக்கு எவ்வளவு துன்பம் உண்டாயினும் என் நடத்தையே சரியானதென்று நிச்சயம் பெற்றிருக்கின்றேன். நமது ஜாதி ஜனங்கள் உங்களையும் என்னையும் கேவலமாகச் கருதுவார்களென்பதில் சந்தேகமில்லை. அதற்கு நான் என் செய்வது? என்னுடைய பன்னிரண்டாம் வயதில் நீங்கள் தெரிந்தெடுத்த ஒரு சிறுவனுக்கு என்னை மணஞ்செய்த கொடுத்தது உண்மையிலேயே எனக்குக் கல்யாணஞ் செய்து வைத்ததாகுமென நம்புகிறீர்களா? மூன்றுமாதக் காலத்திற்குத்தான் நான் அச்சிறுவனின் மனைவியாகக் கருதப்பட்டேன். அப்போதிருந்து கைம்பெண்ணாய்க் காலம் கழித்து வருகிறேன். நண்பர்களும் பந்துக்களும் நான் விதவையானதற்கு வருந்தினாலும் என் இளமையை அடியோடு மறந்துவிட்டார்கள். உணர்ச்சிகளெல்லாம் அறவே யொழிந்த கிழவியாக என்னை எண்ணிக்கொண்டார்கள். வாழ்க்கை இன்பங்களை விரும்பித் துடிதுடித்துக் கொண்டிருந்த இருதயம் எனக்குள்ளே இருந்ததென்பதை அவர்கள் நினைத்துப் பார்க்கவில்லை. என்னுடைய கையில் ஓர் அணா பெறுமான வளையல் அணிந்தாலும் அல்லது தலையில் கொஞ்சம் பூ அணிந்து கொண்டாலும் அவற்றை, மற்றவர்கள் பாராமல் மறைத்துக்கொள்ளவேண்டியிருந்தது. பன்னிரண்டு வயது பாவையான நான் அவ்வளவு கண்டிப்பான தன்னொழுக்கத்தை எப்படி மேற்கொள்ள முடியும்? இவ்வாறு சென்ற ஒன்பது ஆண்டுகளாய் என் ஆசாபாசங்கள் உணர்ச்சிகளெல்லாம் என் இதயத்திலே ஒடுங்கிக்கிடந்தன.

எனக்குப் பன்னிரண்டு வயதாயிருந்தபோது என் தமையனாருக்கு முப்பது வயதாயிருந்தது. தன் மனைவியுடன் பத்தாண்டு காலம் இன்பவாழ்க்கை நடத்தியிருந்தார். நான் கணவனையிழந்த போதே அவரும் மனைவியை இழந்தார். அவரை மறுமணம் செய்துகொள்ளும்படி நீங்கள் வற்புறுத்தினீர்கள். அதற்கு இணங்கி அவர் மறுபடி கல்யாணஞ் செய்துகொண்டார். ஆனால் அப்போது என்னைப் பற்றி நினைத்தவர் யாருமில்லையே!

நான் யார்மீதும் குற்றஞ் சுமத்தவில்லை. நம் சமூக வழக்கமே இதற்குக் காரணமாகும். புருஷனுக்கு எவ்வளவு முறை வேண்டுமானாலும் கல்யாணஞ்செய்துகொள்ள இடங்கொடுக்கும் சமூகச் சட்டம், பெண்ணுக்கு அவ்வுரிமையை அடியோடு மறுக்கிறது. ஆஹா! என்ன சமூகம் இது? இக்கொடிய வழக்கத்தைப் புறக்கணித்து வாழ்க்கையின்பம் பெறுவதற்கும் உரிய வழியைக் கடைப்பிடித்தால் அதில் என்ன தவறு? அதில் பாவம் எதுவும் இருப்பதாக எனக்குத் தெரியவில்லை. இரகசியமாகத் துன்மார்க்கத்தில் வீழ்வதைவிடப் பகிரங்கமாக மணஞ்செய்துகொள்ளுவது எவ்வளவோ மேன்மையானதன்றோ? உடலைச் சங்கிலியால் பிணித்துக் கட்டிவிடலாம். ஆனால், இதயத்தை எவரும் கட்ட முடியாது.

என்னை அதிகப்பிரசங்கி என்று ஒரு வேளை நீங்கள் கருதலாம். ஆனால், நான் என்ன செய்வேன்? என்னுடைய நடத்தைக்குக் காரணங்களை என் பெற்றோர்களுக்கு விளக்கிக் கூறவேண்டாமா? என் கணவராக வரிந்துகொண்டவரைப் பற்றி நீங்கள் என்ன எண்ணினாலும் சரிதான். என் உடலையும் உயிரையும் அவருக்கே அர்ப்பணஞ் செய்து விட்டேன்.

என்னருமைத் தாயே! தந்தையே! என்னை மறந்துவிடுங்கள். நான் எப்போதும் போல இனியும் உங்கள் புதல்வியேயாவேன். என்னை நீங்கள் புறக்கணியாவிட்டால் உங்கள் பாதங்களுக்குப் பூஜைசெய்ய எப்போதும் காத்துக்கொண்டிருக்கிறேன். உங்களுடைய தயாளத்தினால் எனக்கு ஏராளமான ஆடையாபரணங்களைத் தந்திருந்தீர்கள். ஆனால் என் உடலில் இப்போதணிந்திருக்கும் ஆடையேயன்றி வேறு எதையும் நான் எடுத்துப்போகவில்லை. அதையும் பின்னால் திருப்பிக் கொடுத்துவிடுகிறேன். ஒருக்கால் என்னை நீங்கள் நமது புதல்வியல்லவென்றே தள்ளிவிடலாம். பின்னர் உங்களுடைய உடையை நான் எடுத்துச் செல்வது எவ்வாறு நியாயமாகும்? எனக்கு ஆடையாபரணங்களில் ஆசையில்லை. உடம்பு முழுதும் நகை போட்டுக் கொண்டு மகிழ்ச்சியில்லாத விதவையாயிருப்பதினும் ஆபரணம் ஒன்றுமே இல்லாவிடினும் சந்தோஷமாயுள்ள மனைவியாயிருக்கவே நான் விரும்புகிறேன்.

என்னுடைய புது வாழ்விற்கு உங்களுடைய ஆசீர்வாதம் எனக்குக் கிடைக்காதா? _ உங்கள் நன்றியில்லாப் புதல்வி, எசஸ்வதி.
இதினின்றும் நம் சகோதரிகளின் (விதவைகளின்) துர்ப்பாக்கிய நிலைமை இன்னதென்பதையும், அவர்களுக்கு நாமிழைக்கும் கொடுமைகள் என்னவென்பதையும் திட்டமாய் அறிகின்றோம். கணவன் இறந்தவுடன் அப்பெண் உலக வாழ்க்கையை முற்றும் துறந்து, சுவர்க்கமென்று சொல்லப்படுகிற இடத்திற்குப் போய்ச் சேரவேண்டிய பரமார்த்திக வழிக்கென அய்ம்புலனையும் அடக்கி உற்றார் உறவினர், பெற்றார் பிள்ளைகள் முதலியவர்களால் இழிவாய்க் கருதப்பட்டு இறக்கும்வரையில் பாழும் வயிற்றைக் கழுவவேண்டியவளாகயிருக்கின்றாள். 12, 14 வயதில் விதவையான தன் பெண்ணையோ, சகோதரியையோ மூலையில் கிடத்திவிட்டு அவளைப் பற்றிய கவலை ஒரு சிறிதுமின்றி 50, 60 வயதுடைய தந்தையும், தமையனும் 12, 14 வயதுடைய சிறுமிகளை மணம் புரிந்து அதே இல்லத்தில் இன்பவாழ்வு நடத்தும் கொடுமைக்கு கண்ணீருகுக்க வேண்டாமா? ஆண்கள் மட்டில் கட்டற்ற காளைகளாகவும், பெண்கள் உணர்வற்ற கட்டைகளாகவும் உலகிடை வாழ்க்கை நடத்தவேண்டுமென வற்புறுத்தும் இந்துமத நியதியை என்னென்றியம்புவது?

அன்றியும், நம் சகோதரிகளைக் (விதவைகளை) கொடுமைப்படுத்த மதச் சட்டமெதேனும் உண்டாவென்றால் அதுவுமில்லை என்பதை கீழ்க்காணும் காந்தியடிகளின் புனிதமொழிகள் அறிவுறுத்துகின்றன. “மிகச் சிறுவயதுள்ள பெண்களை ஆயுள்முழுதும் விதவைகளாக வீட்டில் அடைத்து வைத்திருப்பதைப்போல் கொடுஞ்செயல் வேறொன்றுமில்லை. விதவைகளுக்கு மறுவிவாகம் செய்யக்கூடாதென ஒரு சாஸ்திரமும் கூறவில்லை. விதவைகளைப் பலவித நிபந்தனைக்குட்படுத்துவதால் அவர்களுடைய வாழ்வு பயனற்றதாய்ப் போனதோடு இந்து மதமும் இந்து சமூகமும் பாழாய்ப் போகின்றன. அறுபது வயதிற்கு மேற்பட்ட வயோதிகர் கூட சிறுபெண்களை போட்டி போட்டு அதிக விலை கொடுத்து அவர்களை மணம் செய்துகொள்ளுவதைவிட மானக்கேடான செய்கை வேறெதுவுமில்லை” இன்னும் இவை போன்ற எடுத்துக்காட்டுகள் பலவுள.

வாய் வேதாந்தத்தில் வல்லவர்களெனப் பெயர் படைத்த நாம் மேடைகளில் வீசும் வீச்சுக்கு அளவில்லை. நிறைவேற்றும் தீர்மானங்களுக்கும் எல்லையில்லை. பேச்சளவில் காலம் கழிப்பதிலும் பயனில்லை. விதவைகளின் துயரை முற்றும் மாற்றினாலல்லாது நாமும் நம் நாடும் நம் சமூகமும் முன்னேற்றமடைய இயலாது. பழக்கவழக்கமென்று சமூகத்தைப் பாழாக்கிவரும் வைதீகர்கள் மனவிசாலமற்ற கிணற்றுத் தவளைகள் என்பதை இந்நிலவுலகின்
கண் காண்கின்றமையினால் அவர்களால் எவ்வகையிலும் எப்பயனும் கிட்டாது.

ஆதலால், தேசிய சமூக முற்போக்கின் விழைவுமிக்க இளைஞர்களே! இக்கொடுமையை அகற்ற முற்பட வேண்டும். மனைவியையிழந்த ஆண்கள், கணவனையிழந்த பெண்களையே அவர்களின் சம்மதம் பெற்று மறுமணம் செய்துகொள்ள வேண்டுமெனவும் விதவைகள் கிடைக்காவிட்டால் கன்னிகைகளை மணந்து கொள்ளலாமென்றும் மணமாகாத இளைஞர்கள் கன்னிகைகளையோ விதவைகளையோ அவரவர் விருப்பப்படி மணம் புரிந்து கொள்ளலாமென்றும் விதிகள் நியமித்தல் வேண்டும். இந்நன் முயற்சிக்கு எவ்வித இடையூறுகள் நிகழினும் அவைகளைப் பொருட்படுத்தாது துணிவுடன் விதவா
விவாகத்தை நடைமுறையில் நடத்திவைக்க முன்வரும்படிக்கு ஒவ்வொரு சகோதர சகோதரிகளுக்கும் விண்ணப்பித்துக் கொள்ளுகின்றோம். இவ்விதமான விதவா விவாகங்களை நடத்த முற்படும் இளைஞர்களுக்கு எங்களாலியன்ற பொருளுதவி செய்கின்றோமென இதனால் வாக்களிப்பதுடன் அவ்வுதவியை நாடுவோர் எஸ். ராமசாமி 125, தேலுக் அய்யர் தெரு, சிங்கப்பூர் என்ற விலாசத்திற்கு கடிதங்கள் எழுதிக்கொள்ளும்படிக்கு கேட்டுக்கொள்ளுகின்றோம்.
இப்படிக்கு,
தங்கள் சகோதரர்கள்: எஸ்.ராமசாமி, வி.வெங்கட்டராயலு வி.டி.சங்கரலிங்கம், ஆர்.டி.கோவிந்தசாமி, எஸ்.கோபால், ஜி.ரெத்தினசபாபதி, பி.மாடசாமி, ஆர்.முத்துக்கிருஷ்ணன், ஆர்.சுந்தரராஜலு,
வி.எஸ்.நாராயணசாமி, பி.பெருமாள், ஏ.சி.சுப்பைய்யா, க.தாமோதரன், கே.வெங்கடா சலபதி, எம்.நல்லசிவம், ஆர்.புருஷோத்தமன், வி.சீனிவாசலு, ஜி.சாரங்கபாணி. ♦

பெண்களுக்கு பாதுகாப்பு கொடுக்கும் ‘தோழி’ தங்கும் விடுதிகள்!

Published May 22, 2024, விடுதலை நாளேடு

சென்னை, மே 22- வீட்டிற்குள்ளே முடங்கி அடுப்பறையின் அனல் காற்றை சுவாசித்த பெண்கள் தற் போதுதான் இயற்கைக் காற்றையும் சுவாசிக்க ஆரம்பித்துள்ளனர். அதன் எதிரொலி தான் தங்களது கல்விக்காகவும் வேலைக்காகவும் கடல் கடந்து செல்கின்றனர்.

அப்படி கடல் கடந்து சென்றா லும் பாதுகாப்பில் என்னவோ சில நேரங்களில் கேள்விக்குறியாகத் தான் உள்ளது. இப்படி பல்வேறு இடங்களுக்கு சென்று பணிபுரியும் பெண்களுக்கு உதவும் வகையில் தமிழ்நாடு அரசு ‘தமிழ்நாடு பணி புரியும் மகளிர் விடுதிகள் நிறுவனம்’ சார்பில் பணிபுரியும் பெண்களுக் கான மகளிர் விடுதி தமிழ்நாட்டில் பல்வேறு மாவட்டங்களில் தொடங்கியுள்ளது.

பல்வேறு மாவட்டங்கள், மாநி லங்களில் இருந்து வேலைக்காகவும், பயிற்சிக்காகவும் சென்னைக்கு வருகை தரும் பெண்கள் இடம் கிடைக்காமல் அல்லல்படுகிறார் கள். அப்படியே கிடைத்தாலும் பாதுகாப்பு என்பது கேள்விக்குறி யாக உள்ளது.இந்த நிலையில்தான், பெண் கள் பாதுகாப்பாக தங்குவதற்கு தமிழ்நாடு அரசு சார்பில் ‘தோழி’ என்கிற பெண்கள் விடுதி செயல் பட்டு வருகிறது.இந்த விடுதிகளில் மாவட் டங்களில் வந்து வேலை செய்து வரும் மகளிருக்கான மாதம் ரூ.300 கட்டணம் வசூலிக்கப்படு கிறது. தினசரி அடிப்படையில் பெண்கள் தங்கு வதற்கு வசதி செய்து தரப்பட்டுள்ளது.

அமைந்துள்ள இடங்கள்

இவ்விடுதிகள் சென்னை, செங் கல்பட்டு, பெரம்பலூர், சேலம், திருச்சி, திருநெல்வேலி, தஞ்சாவூர், வேலூர், விழுப்புரம் ஆகிய 9 மாவட்டங்களில் 11 மகளிர் விடு திகள் தொடங்கப்பட்டுள்ளன.

வசதிகள்

சாப்பாட்டு அறை, ஓய்வு அறை, க்ரீச், வைஃபை, ஏசி, லிப்ட் வசதி, வாஷிங் மெஷின், அயர்ன் போர்டு, அயர்ன் பாக்ஸ், குளிர்சாதனப் பெட்டியுடன் கூடிய சரக்கறை, மைக்ரோ வேவ், வாட்டர் கூலரு டன் கூடிய ஆர் ஓ வாட்டர் போன் றவை உள்ளன. அதோடுகூட சிசிடிவி கேமராக்கள் என்று பாதுகாப்பை உறுதி செய்வதற்காக 24 மணி நேரம் கண்காணிப்பும் உள்ளது. குடும்பங்கள் மற்றும் உறவினர்களுக்கு அவ்விடத்தில் தங்குவ தற்கான விடுதி வழங் கப்படுவதில்லை.

நேரம்

இரவு 10 மணிக்குள் விடுதிக்கு வந்து விட வேண்டும். வெவ்வேறு ஷிப்டுகளில் பணிபுரிபவர்கள் ஷிப்ட் நேரத்திற்கு ஏற்றாற் போல விடுதிக்கு வரலாம்.

கூடுதல் விவரங்களுக்கு

தமிழ்நாடு அரசின் ‘தோழி’ விடுதிகளில் சேர விரும்பும் பெண்கள் 9499988009 என்ற தொலைபேசி எண்ணில் தொடர்பு கொள்ளலாம். techexe@tnwwhcl. என்ற இணைய தள முகவரியில் மூலம் சந்தேகங்க ளையும் நிவர்த்தி செய்து கொள்ளலாம், மேலும் தேவையான விவரங்களையும் தெரிந்து கொள்ளலாம்.

முழுமையான விபரங்களுக்கு

tnwwhcl.in என்ற இணைய தளத்தின் மூலமாக விடுதிகளின் முகவரி, கட்டணம், முன்பதிவு போன்ற தகவல்களையும் பெற லாம். தமிழ்நாடு அரசின் இந்த தோழி இல்லம் பெண்களின் பாதுகாப்புக்கு உத்தரவாதம் கொடுப்பதால் இந்த இல்லங்களில் தங்கும் பெண்களின் எண்ணிக்கை மேலும் அதிகரிக்கும் என்று எதிர் பார்க்கப்படுகிறது.

கருநாடக மாநிலத்தில் மகளிர் நாள் கழகப் பிரச்சார செயலாளர் கருத்துரை

விடுதலை நாளேடு

Published March 16, 2024

உடுப்பி, மார்ச் 16- பெண்கள் மீதான வன்முறைக்கு எதிரான கருநாடக மாநில மகளிர் கூட்டமைப்பு 2024 மார்ச் 8 ஆம் நாள் கருநாடக மாநிலம் உடுப்பி நகரில், உலக மகளிர் நாள் விழாவை மிகச்சிறப்பாக நடத்தி யது. கருநாடக மாநிலத் தின் பல்வேறு மாவட்டங் களில் இருந்து பெண்கள் அமைப்புகளின் பிரதிநிதிகள் பங்கேற்றனர். இவ் விழாவில் திராவிடர் கழகத்தின் பிரச்சாரச் செயலாளர் வழக்குரைஞர் அ.அருள்மொழி தொடக்க உரையாற்றினார்.

அவர் உரையாற்று கையில் தமிழுக்கும், கன் னட மொழிக்கும் உள்ள ஒற்றுமைகளைக் குறிப் பிட்டு திராவிடமொழிக ளின் அடையாளம் தமிழ் என் பதையும், இன்றைய சமூக அரசியல் சூழ்நிலை யில் திராவிட மாநிலங்க ளின் ஒற்றுமையை முன் னெடுக்க வேண்டும் என்றும், அதனை பெண்களால் தான் சாதிக்க முடியும் என்றும், ஏனெனில் பெண் கள்தான் எல்லையற்றவர் கள், பெண்களால் ஆண் கள் உருவாக்கிய ஜாதி மத இன மொழிப் பிரிவினைகளை, தடைக ளைத் தாண்டி சிந்திக்க முடியும் என்றும், தந்தை பெரியாரின் சிந்தனை வழியில்தான் தடைக ளைத் தாண்டி சிந்திக்கும், செயல்படும் பெண்கள் உருவாக முடியும் என் றும், இந்தியாவில் பெண் களுக்கெதிராக திட்ட மிட்டு வன்முறையை நிகழ்த்தும் மதவெறி அமைப்புகளை பெண் கள் அடையாளம் காண வேண்டும் என்றும் குறிப்பிட்டுப் பேசினார்.

நிகழ்வில் பங்கேற்ற பெண்கள் திராவிட மாநி லங்களின் ஒற்றுமையை உருவாக்க வேண்டும் என்ற கருத்தை பலத்த கையொலி எழுப்பி வர வேற்றார்கள்.

தமிழ்நாட்டில் முதல் முறை ரயில்வே பயணச்சீட்டு பரிசோதகராக திருநங்கை நியமனம்

 

Published February 10, 2024, விடுதலை நாளேடு

திண்டுக்கல், பிப். 10- திருநங்கைகள் சமுதாயத்தில் தங்களுக்கு உரிய அங்கீகாரம் கிடைப்பதற்கு போராடி வருகின்றனர். அதே நேரம் திருநங்கைகளுக்கு வேலை கிடைக்குமா? என்ற கேள்வியை தகர்த்து ஒரு சில திருநங்கைகள் திறமையால் சாதித்து வருகிறார் கள். சுயதொழில் மட்டுமின்றி ஒன்றிய, மாநில அரசு பணிகளிலும் திரு நங்கைகள் அசத்தி வருகின்றனர்.
அந்த வகையில், திண்டுக்கல் ரயில் நிலையத்தில் பயணச்சீட்டுப் பரிசோதகராக திருநங்கை சிந்து 8.2.2024 அன்று பதவி ஏற்றார். இதன்மூலம் தெற்கு ரயில்வேயின் முதல் திருநங்கை பயணச்சீட்டுப் பரிசோதகர் என்ற சிறப்பை அவர் பெற்றார்.

இதுதொடர்பாக திருநங்கை களுக்கு முன்னுதாரணமாக திகழும் சிந்து கூறுகையில், எனது சொந்த ஊர் நாகர்கோவில் ஆகும். நான் கடந்த 19 ஆண்டுகளுக்கு முன்பு கேரள மாநிலம் எர்ணா குளத்தில் ரயில்வே பணியில் சேர்ந் தேன். 14 ஆண்டுகளுக்கு முன்பு திண்டுக்கல்லுக்கு மாறுதலாகி வந் தேன். ரயில்வே மின்சாரப் பிரிவில் பணியாற்றினேன்.
இதற்கிடையே சிறு விபத்தில் எனக்கு கையில் காயம் ஏற்பட்டது. இதையடுத்து மின்சாரப் பிரிவில் இருந்து வணிக பிரிவுக்கு மாற்றப் பட்டேன். பயணச்சீட்டுப் பரிசோ தகர் பயிற்சியை முடித்து, பதவி ஏற்றுள்ளேன். இது எனது வாழ் நாளில் மறக்க முடியாத நிகழ்வு ஆகும். திருநங்கைகள் மனம் தளர்ந்து விடக்கூடாது.
கல்வி, உழைப்பு மூலம் எந்த உயரத்தையும் எட்ட முடியும். அதை மனதில் கொண்டு திருநங் கைகள் முன்னேற வேண்டும் என்றார்.

பெண்களுக்கு சம வாய்ப்பு-சம உரிமை-பொருளாதார மேம்பாடு உட்பட்ட புதிய மகளிர் கொள்கை

Published January 24, 2024

முதலமைச்சர் மு.க. ஸ்டாலின் தலைமையில் நடந்த அமைச்சரவை கூட்டத்தில் முடிவு
பெண்களுக்கு சம வாய்ப்பு-சம உரிமை-பொருளாதார மேம்பாடு உட்பட்ட புதிய மகளிர் கொள்கை

சென்னை, ஜன.24 பெண்களுக்கு அதிகாரமளிக்கும் வகையில் கடந்த 2021 ஆம் ஆண்டில் அறிவிக்கப்பட்ட மாநில மகளிர் கொள்கைக்கு, முதலமைச்சர் மு.க.ஸ்டாலின் தலைமையில் நேற்று (23.1.2024) நடைபெற்ற அமைச்சரவைக் கூட்டத்தில் ஒப்புதல் அளிக்கப்பட்டுள்ளது.

முதலமைச்சர் மு.க. ஸ்டாலின் வரும் 28 ஆம் தேதி அரசுமுறை பயணமாக அமெ ரிக்கா, ஸ்பெயின், ஆஸ்திரே லியா ஆகிய நாடுகளுக்கு செல் கிறார். அங்கு நடைபெறும் முதலீட்டாளர் மாநாடுகளில் பங்கேற்று, தமிழ்நாட்டிற்கான புதிய முதலீடுகளை ஈர்க்கும் வகையில் ஒப் பந்தங்கள் மேற்கொள்ள உள்ளார். இதற்கான ஏற்பாடுகளை தமிழ்நாடு தொழில் துறை மேற் கொண்டு வருகிறது.

வெளிநாட்டு பயணத்தை முடித்துக் கொண்டு முதலமைச்சர் மு.க.ஸ்டாலின் பிப்ரவரி 5ஆம் தேதி தமிழ்நாடு திரும்புகிறார். அதன்பிறகு, பிப்ரவரி 2 ஆவது வாரத்தில் சட்டப்பேரவையின் இந்த ஆண்டுக்கான முதல் கூட்டம் தொடங்கும் என்று எதிர் பார்க்கப் படுகிறது. இதைத் தொடர்ந்து, பட்ஜெட் தாக்கல் செய்யப்படும் என்பதால், அதற்கான பணிகளை நிதித் துறை மேற்கொண்டு வருகிறது.

இந்த சூழலில், சென்னை தலைமைச் செய லகத்தில் முதலமைச்சர் மு.க.ஸ்டாலின் தலை மையில் அமைச்சரவை கூட்டம் நேற்று காலை 11 மணிக்கு நடைபெற்றது. மருத் துவ சிகிச்சையில் உள்ள வனத் துறை அமைச்சர் மதிவேந்தன் தவிர்த்து மற்ற அனைத்து அமைச்சர்களும் கலந்து கொண்டனர். தலைமைச் செயலர் சிவ்தாஸ் மீனா, அரசுத் துறை செயலாளர்கள் உதயச்சந்திரன் (நிதி), வி.அருண்ராய் (தொழில்), நந்த குமார் (பொது) உள்ளிட்டோரும் பங்கேற்றனர்.

சட்டப்பேரவை ஆண்டு கூட்டம், பட்ஜெட் டில் இடம் பெற வேண்டிய அம்சங்கள், மாநில நிதிநிலை, கலால்வரி சட்டத் திருத்தம் குறித்து இதில் விவாதிக்கப்பட்டுள்ளது.

நிறுவனங்களுக்கு சலுகை

சென்னையில் ஜனவரி 7, 8 ஆம் தேதிகளில் உலக முதலீட்டாளர் மாநாடு நடைபெற்றது. இதில், ரூ.6.64 லட்சம் கோடிக் கும் அதிகமான முதலீடுகள் தொடர்பாக புரிந்துணர்வு ஒப் பந்தங்கள் மேற்கொள்ளப்பட் டுள்ளன. உலக முதலீட்டாளர் மாநாட்டில் பங்கேற்ற 7 நிறுவ னங்களுக்கு சலுகை அளிப்பது தொடர்பாக விவாதிக்கப்பட்டு அமைச்சரவையில் ஒப்புதல் அளிக்கப்பட்டது.

மகளிர் கொள்கை

அரசமைப்பு சட்டத்தின்படி பெண்களுக் கான சம வாய்ப்பு, சம உரிமை, பொருளாதார மேம்பாடு, திறன் வளர்த்தல், பாதுகாப்பான வாழ்வுரிமை, கண்ணியம் காத்தல் ஆகியவற்றை உறுதி செய்யவும், சமுதாயத்தில் மேலான நிலையை அடையவும், அரசியலில் வாய்ப்பு பெற அவர்களை தயார்படுத்துவதற்கும், உரிமை பெற்றுத் தரவும், அவர்களது ஒட்டு மொத்த வளர்ச்சியை ஊக்கப் படுத்தவும், கண்காணிக்கவும் மாநில மகளிர் கொள்கையை நாட்டிலேயே முதல் மாநிலமாக தமிழ்நாடு அரசு உருவாக்கி உள்ளது. தமிழ்நாட்டில் பெண்களின் நியாயமான உரிமைகளை பெற் றுத்தரும் வகையில் 2021 டிசம்பரில் வரைவு கொள்கை வெளியிடப்பட்டு கருத்து கேட்கப்பட்டது. இதைத் தொடர்ந்து, இந்த கொள்கைக்கு இறுதி வடிவம் வழங் கப்பட்டு, தற்போது அமைச்சர வையில் விவாதிக்கப்பட்டு ஒப்புதல் அளிக்கப் பட்டுள்ளது.

இதுகுறித்து செய்தியாளர் களிடம் சமூகநலத் துறை அமைச்சர் கீதா ஜீவன் கூறியபோது, ‘‘தேசிய மகளிர் கொள்கை கடந்த 2001 இல் வெளியிடப்பட்டது.
23 ஆண்டுகளுக்கு பிறகு, தமிழ்நாடு அரசு சார்பில் மாநில மகளிர் கொள்கை வெளியிடப் பட்டுள்ளது. முதலமைச்சர் மு.க.ஸ்டாலின் 2021 இல் பொறுப்பேற்றதும், மாநில மகளிர் கொள்கை அறிவிக்கப்பட்டது. அந்த வாக்குறுதி தற்போது நடை முறைப்படுத் தப்பட்டுள்ளது.

ஒட்டுமொத்த பெண்களுக்கான வளர்ச்சிக் காகவும், பெண்களுக்கு நிர்வாக பயிற்சி, நிதி மேலாண்மை பயிற்சி, தொழில் தனி வணிக குறியீடு, மானியம், பொருளாதார வசதி ஏற் படுத்துதல், விவசாய தொழிலாளருக்கு சம ஊதியம் வழங்குதல் போன்றவை இதன் முக்கிய அம்சம்.
‘பெண்களின் வளர்ச்சியை நோக்கி அரசின் திட்டங்கள்’ என்ற அடிப்படையில் இது உருவாக்கப்பட்டுள்ளது’’ என்றார்.